...

Azərbaycanda bank ehtiyatları 7 faizdən çox artıb

Biznes və iqtisadiyyat xəbərləri Materials 4 İyul 2014 15:32

Trend-i buradan izləyin

Azərbaycan, Bakı, 4 iyul /Trend, müxbir Zülfiyyə Qurbanova/

2014-cü il iyunun 1-nə olan vəziyyətə görə, Azərbaycanda genişləndirilmiş pul bazası 11 366,4 milyon manat təşkil edib. Trend-in məlumatına görə, bu barədə Azərbaycan Mərkəzi Bankının (AMB) statistik hesabatında deyilir.

İllik hesablamalarda ölkədə pul bazası 11,5 faiz artıb. Müqayisə üçün, 2013-cü ilin may ayının nəticələri üzrə bu göstərici 10 191,7 milyon manat olub.

Hesabatda qeyd edilir ki, 2014-cü il uyunun 1-nə pul bazası manatda 11 272,2 milyon manat olub. Bu rəqəm ötən ilin iyunun 1-nə 10 113,3 milyon manat təşkil edib.

Hesabat dövründə tədavüldəki pul həcmi 10 750,5 milyon manat təşkil edib, halbuki bu göstərici 2013-cü il iyunun 1-nə 9 608,4 milyon manat olub.

Dövriyyədəki nağd pul kütləsinin pul bazasına nisbəti 2014-cü il iyunun 1-nə 94,6 faiz olub. Bu göstərici 2013-cü il iyunun 1-nə 94,3 faiz təşkil edib.

Bank ehtiyatları 599,9 milyon manat təşkil edib ki, bu da 2013-cü ilin may ayının nəticələri üzrə analoji göstəricidən (558,6 milyon manat) 7,4 faiz çox olub.

Məqalədə:
Xəbər lenti

Xəbər lenti