Bakı. Trend:
Cari ilin yanvar-iyul aylarında 125 yaşayış məntəqəsinə təbii qaz verilib.
Bu barədə Trend SOCAR-ın saytına istinadən məlumat verir.
SOCAR-ın “Azəriqaz” İstehsalat Birliyi tərəfindən istehlakçıların qaz təchizatının daha da yaxşılaşdırılması, yeni yaşayış məntəqələrinə “mavi yanacağ”ın verilməsi məqsədi ilə cari ilin yanvar-iyul ayları ərzində 6681,2 kilometr uzunluğunda yeni qaz kəmərləri quraşdırılıb.
Şəbəkənin təhlükəsiz və normal rejimdə istismarının təmin olunması üçün 197,5 kilometr qaz kəməri əsaslı təmir olunub.
Aparılan tikinti-quraşdırma işləri nəticəsində 2016-cı ilin yanvar-iyul aylarında 125 yaşayış məntəqəsi qazlaşdırılıb.