Bakı. Trend:
VTB (Azərbaycan) və Azər Türk Bank bankomat şəbəkəsinin genişləndirilməsi üzrə tərəfdaşlıq sövdələşməsi imzalayıb.
Bankdan Trend-ə verilən məlumata görə, indi VTB-nin (Azərbaycan) kart sahibləri pul vəsaitlərini Azər Türk Bank ATM-lərində 0% komissiyası ilə nağdılaşdıra bilər.
Bundan başqa, VTB (Azərbaycan) müştəriləri Azər Türk Bank bankomatlarında olan «Card to Card», parolun alınması, 3D Secure, SMS-xəbərdarlıq kimi əlavə xidmətlərdən də istifadə edə bilər. Hazırda VTB (Azərbaycan) kart istifadəçiləri ölkə ərazisində PASHA Bank, NIKOIL Bank, Azər Türk Bank kimi yerli bankların 70-dən çox bankomatlarından yararlana bilər.
Eləcə də VTB (Azərbaycan) Rusiya, Qazaxıstan, Gürcüstan, Belarus və Ukraynadakı VTB qrupun banklarına aid bankomatlarından pul vəsaitlərin banklararası komissiya tutulmadan nağdlaşdırılma xidmətini təklif edir.