Azərbaycan hökuməti Dünya bankının ölkəyə yardım strategiyasının (CAS) ilkin variantını öyrənməyə başlayıb. Maliyyə Nazirliyindən Trend ə verilən məlumata əsasən, strategiyanın layihəsi əlverişlidir və vəsaitlərin qeyri-neft sektorunun inkişafının stimullaşdırılmasına və infrastrukturun yenidən təşkil olunmasına yönəldilməsini nəzərdə tutur.
Nazirlikdə, həmçinin, onu da bildiriblər ki, ölkə iqtisadiyyatının inkişaf templəri Azərbaycanın 2009-cu ildən Beynəlxalq İnkişaf Assosiasiyası (BİA) tərəfindən maliyyələşdirilmədən imtina etməyə əsas verir. Lakin bu gün BİA şərtləri ilə maliyyələşdirmədən imtina etmək və Beynəlxalq Yenidənqurma və İnkişaf bankının şərtləri ilə kredit sisteminə keçmək 2007-ci ildə reallaşa bilər. Belə ki, 2005-2006-cı illər ərzində Azərbaycan ÜDM-in əhalinin adambaşına yüksək göstəricisini əldə edə biləcək.
