"Azərbaycanın dinamik iqtisadi inkişafı qeyri-neft sektoru inkişaf etmədən mümkün deyil və ölkə hökuməti neft gəlirlərindən səmərəli istifadə siyasətini həyata keçirir".
Trend in xəbər verdiyi kimi, belə bəyanatla Azərbaycan parlamentinin iqtisadi siyasət üzrə daimi komissiyasının sədri Səttar Səfərov "CreditAgro" qeyri bank kredit təşkilatının fəaliyyətinin 5 illiyinə həsr olunmuş mərasimdə çıxış edib.
"Əgər 10 il bundan qabaq büdcə daxilolmaları 504 milyard manat təşkil edirdisə, bu gün bu göstərici 10 trilyon 200 mlrd manata bərabərdir. 2005-ci ildə Azərbaycan büdcəsinin profisiti isə 800 mlrd manat olub".
"Qeyri-neft sektorunun inkişafı Azərbaycanın iqtisadi siyasətində prioritetdir. Rəsmi Bakı ölkənin dünya iqtisadiyyatına fəal inteqrasiya siyasətini yürüdür, xüsusilə, ABŞ-la əlaqələr daha da inkişaf etdirilir", - deyə S.Səfərov qeyd edib.
