"Mən onun tərəfdarıyam ki, SSRİ dövründə həyata keçirilən əmanət indeksləşdirilməsi prosesi ölkə prezidentinin təşəbbüsü ilə işlənib-hazırlanmış qanunvericilik aktı ilə tənzimlənsin, belə ki, bu sənəd büdcə vəsaitləri ilə birbaşa bağlıdır və proses büdcə maliyyələşdirilməsi hesabına keçməlidir".Bu barədə Milli Məclisin iqtisadi siyasət Daimi komissyiasının sədri Səttar Səfərov Trend ə bildirib.
"Həmin qanun layihəsinin ümumi büdcə paketində təqdim edilməsi məqsədəuyğun olardı.Mən özümdə qanun layihəsinin prezidentin İcra aparatı üçün variantını hazırlamışam.Əgər bizim yardımımız lazımdırsa, biz bu işə qoşulmağa həmişə hazırıq" - deyə S.Səfərov bildirib.
S.Səfərov qeyd edib ki, əmanətlər fərqli dərəcələr üzrə yerləşdiriləcək, 2000 rubladək əmanətlər, 2000 rubldan 5000 rubladək əmanətlər, 5000 rubldan 10 000 rubladək, 10 000 rubldan yuxarı əmanətlər. Bununla 1 rubl 4000 manata bərabər olacaq.
"Dərəcədən dərəcəyə indeksləşdirilmə enmə istiqamətində dinamik olaraq dəyişəcək, yəni Rusiyada, Qazaxıstanda olduğu kimi geriləyən xətlə müşahidə olunacaq.Azərbaycanda pasport qeydiyyatı olan şəxslər milli mənsubiyyətindən asılı olmadan müavinət alacaq. Ölkəni tərk etmiş və Azərbaycanda qeydiyyatı olmayan şəxslər müavinət almayacaq.Parlamentdə qanun layihəsinin müzakirəsi prosesində Ermənistandan olan qaçqınların əmanətlərinin yerləşdirilməsi problemi müzakirə ediləcək.Biz sənəddə indeksləşdirilmə prosesinin 10 ildə başa çatması müddətini göstərməyi planlaşdırırıq, ammamüzakirə prosesində bu müddət dəyişdirilə bilər.İlk növbədə, müavinətləri 70 yaşından yuxarı vətəndaşlar, şəhid ailələri, qaçqınlar və məcburi köçkünlər alacaq.Həmçinin indeksləşdirilmə prosesi başlananadək dünyasını dəyişmiş vətəndaşların varisləri də vərəsəlik hüququ ilə müavinətləri ala biləcək" -deyə S.Səfərov qeyd edib.
Bu məqsədlərlə yalnız 2006-cı ildə büdcə vəsaitlərindən 200 mlrd. manat yönəldiləcək.
İndeksləşdirilmə 1992-ci ilin yanvarın 1-dək əhalinin SSRİ Əmanət banklarına həyata keçirilmiş əmanətlərinə yönəldilməlidir.
Bundan öncə bildirilirdi ki, AR maliyyə nazirliyi tərəfindən 3 indeksləşdirilmə planı işlənib-hazırlanıb.Bunlar müvafiq olaraq $0,3-0,4 mlrd, $0,5-0,55 mlrd və $0,8-1 mlrd.prosesin keçirilməsini tələb edir.
