Dekabrın 15-dən Azərbaycanda "quş qripi"nin yayılmasının müəyyən edilməsi üzrə növbəti monitorinqin aparılması planlaşdırılır. Kənd Təsərrüfatı Nazirliyi yanında Dövlət Baytarlıq Xidmətinin rəisi Emin Şahbazovun Trend ə bildirdiyi kimi, hazırda əvvəlki monitoriqin yekunları üzrə işlər aparılır.
Onun sözlərinə görə, bu, Baytarlıq Xidməti, Səhiyyə, Ekologiya və Təbii Sərvətlər nazirliyi, Elmlər Akademiyasının Zoologiya İnstitutu və Azərbaycan Ovçular Cəmiyyətinin mütəxəssisləri tərəfindən aparılmış sayca 5-ci monitorinqdir.
"Əvvəlki 4 monitorinq nəticəsində ölkədə bu xəstəliyin hər hansı əlaməti aşkar edilməyib", - deyə E.Şahbazov vurğulayıb.