Dünya Bankının Direktorlar Şurasının 2006-cı il yanvarın 17-nə təyin edilmiş iclasında ikinci avtomagistral yolun tikintisinin maliyyələşdirilməsi üçün krediti təsdiqləyəcəyi planlaşdırılıb. Bu barədə Trend ə DB-nın Bakıdakı nümayəndəliyindən məlumat verilib. Baş nazirin müavini Abid Şərifov və nəqliyyat missiyasının rəhbəri Olivye Le Ber arasında aparılan danışıqların nəticəsində imzalanmış protokola görə, bank iki hissədən ibarət olan yolun (Ələt -Masallı və Bakı-Şamaxı-Muğan) layihəsini maliyyələşdirmək üçün $200 mln vəsait ayıracaq.
Bu ikinci avtomagistral yol üçün birinci tranş olacaq. Bu iki layihə üçün çatışmayan vəsait artıq ikinci kredit çərçivəçində ayrıla bilər. Layihənin maliyyələşdirilməsinə bu cür yanaşma bir tərəfdən layihələrin reallaşdırılmasının yubanmasından qaçmağın zərurətindən, digər tərəfdən isə hökumət istifadə edilməmiş vəsaitə görə, komissiyaya pul ödəməyəcək.
Ələt-Masallı yolunun maliyyələşməsi üçün bank ümumilikdə $230-240 milyona yaxın, Bakı-Şamaxı -Muğanlı üçün isə $100 mln vəsait ayırmaq niyyətindədir.