Yarıdövlət Azərbaycan Beynəlxalq Bankının özəlləşdirilməsi üzrə idarələrarası komissiya beynəlxalq məsləhətçəyə qarşı tələblər hazırlayır. Məsləhətçi ABB-a aid layihənin reallaşdırılması üçün cəlb olunacaq. Trend in verdiyi xəbərə görə, bu barədə ABB-in idarə heyətinin sədri Cahangir Hacıyev xəbər verib.
Məsləhətçi auditor şirkətlərinin birindən cəlb olunacaq. Seçilmiş məsləhətçi ABB-in səhmlərini müvafiq investorlara təklif edəcək.
1 mart 2005-ci il tarixli Prezident Fərmanına əsasən, ABB-də dövlət paketi (50,2%) hissə-hissə satıla bilər, müvafiq olaraq qiymət də onların satışı zamanı bank fəaliyyətinin auditinin keçirilməsi vasitəsilə müəyyən olunacaq. Dövlət banklarının özəlləşdirilmə üsulları yeni fərmanda göstəriləcək.
