Yanvar - may aylarında Naxçıvan Muxtar Respublikasına (NMR) 41538,2 min manat sərmayə qoyulub, bu isə 2005-ci ilin həmin dövrü ilə müqayisədə 13,8 % çoxdur. Bu barədə Trend ə NMR-in Bakıdakı daimi nümayəndəliyindən xəbər veriblər.
Bu müddət ərzində tikinti-montaj işlərinə yönəldilmiş sərmayələrin həcmi 16,4% artıb və 32764,5 min manat təşkil edib. Bu göstərici ümumi sərmayələrin 78,9%-ni təşkil edir.
Bu müddət ərzində NMR tikinti müəssisələri tərəfindən 29011,6 min manat məbləğində xidmət göstərilib. Ümumi yerinə yetirilmiş işlərdən 23293,1 min manat (80,3%) yeni tikililərin, yenidənqurma və bərpa işlərinin payına, 4722,4 min manatı (16,3%) əsaslı təmirin, 486,4 min manat (1,6%) cari təmirin, qalan 1,8% isə digər tikinti işlərinin payına düşüb.
Azərbaycan Milli Bankının məlumatına görə, 30.06.06 tarixində dolların manata nisbətən rəsmi məzənnəsi 0,8956 AZN təşkil edib.