Yaxın günlərdə Həştərxanda Azərbaycan Xəzər Dəniz Gəmiçiliyi İdarəsinin sifarişilə Rusiyanın "Krasnoye Sormovo" zavodunda hazırlanmış "Koroğlu" tankerinin təhvil-təslimilə bağlı sənədlər imzalanacaq. Bundan sonra gəmi Bakıya göndəriləcək. Bu barədə Trend ə Xəzər Dəniz Gəmiçiliyindən xəbər verilib.
İyulun 4-də "Koroğlu" gəmisində Azərbaycan bayrağı qaldırılıb. Xəzəz Dəniz Gəmiçiliyi 4-cü 13 min tonluq tankeri iyulun 20-dən sonra alacaq.
Sonuncu 5-ci tanker isə təxminən oktyabr-noyabr aylarında alınacaq. "Dədə Qorqud" adlanan bu gəmi artıq gəmiqayırmı müəssisəsində suya buraxılıb.
Hökumət mənbələroindən verilən məlumata əsasən, bu gəmilərin Rusiyanın daxili suları ilə çatdırılması zamanı xüsusi icazəyə ehtiyac yoxdur.
