İyulun ortasına olan məlumatlara görə Azərbaycanda taxıl yığımı (qarğıdalısız) 1,72 milyon ton təşkil edib. Kənd Təsərrüfatı Nazirliyindən Trend ə verilən xəbərə görə, məhsul 665,69 min ha sahədən yığılıb, bu isə ümumi əkin sahəsinin 88%-ni təşkil edib. 2005-cı ilin analoji dövrü ilə müqayisədə məhsul yığımı üzrə göstərici 1,58 min ton, hər bir hektarın məhsuldarlığı isə 0,2 sentner artıb. Bölgələrdə orta məhsuldarlıq 25,9 sentner/ha təşkil edib.
2006-cı ildə Azərbaycanda dənli bitkilərin istehsal həcmi 2,2 milyon ton səviyyəsində proqnozlaşdırılıb. Ümumi istehsal strukturunda 1,6 milyon tonu ərzaq taxılı üçün ayırmaq nəzərdə tutulub. Ən az 500 min ton taxıl idxalı planlaşdırılıb.
