...

Azərbaycan və Türkiyənin ekspert qrupları hökümətlərarası komissiyanın iclasının gündəliyini hazırlayır

Biznes və iqtisadiyyat xəbərləri Materials 26 İyul 2006 14:32 (UTC +04:00)

İqtisadi əməkdaşlıq üzrə Azərbaycan-Türkiyə hökümətlərarası komissiyanın üçüncü iclası iyulun 27-də Bakıda olacaq. Bu barədə Trend ə Nazirlər Kabinetindən bildiriblər. Bu gün iclasın gündəliyinin hazırlanması üçün Azərbaycan və Türkiyədən ekspert işçi qrupların görüşü keçirilir. Azərbaycan tərəfindən hökümətlərarası komissiyaya baş nazirin müavini Abid Şərifov başçılıq edir.

İclasda ticari-iqtisadi əlaqələr, energetika və nəqliyyat sahələrində əməkdaşlıq, birgə müəssisələrin yaradılması məsələləri müzakirə ediləcək.

Bu gün Azərbaycan və Türkiyə arasında nəinki energetika sahəsində, həm də qeyri-neft sektorunda fəal əməkdaşlıq mövcuddur. Nəticədə bu gün ölkənin qeyri-neft sektorunda Türkiyə sərmayələrinin xüsusi çəkisi ən yüksəkdir və təxminən 2,2 mlrd. ABŞ dolları təşkil edir. Hazırda Türkiyə iş adamları əsasən xidmət və ticarət sahələrinə cəlb olunub. Lakin onların Azərbaycan üçün prioritet olan digər sahələrə - turizm, mehmanxana biznesi, mebel istehsalına və ümumilikdə kiçik və orta müəssisələrdə iştiraka cəlb etmək lazımdır.

Həm də respublikada Türkiyə ilə kifayət qədər yaxşı hüquq bazası yaradılıb. Bu baza Azərbaycana sərmayə qoymaq üçün münasib şərait yaradır. Azərbaycan və Türkiyə arasında əməkdaşlıq haqqında protokol, ikiqat vergiqoymaya yol verməmək haqqında saziş, sərmayələrin qarşılıqlı mühafizəsi barədə saziş mövcuddur. TPAO tərəfindən Azərbaycanın neft sektoruna indiyidək qoyulan sərmayələr 2,2 mlrd. ABŞ dolları məbləğində olub, lakin 2012-ci ilə qədər bu məbləğin 4,5 mlrd. ABŞ dollarına çatdırılması planlaşdırılır.

2004-cü ildə iki ölkə arasında əmtəə dövriyyəsinin həcmi 407,5 mln. ABŞ dolları təşkil edib. 2005-ci ildə o, 44,5% artaraq, 600 mln. ABŞ dollarına çatıb. İki dövlət bu məbləğin 2007-ci ilə qədər 1 mlrd. ABŞ dollarına çatdırılmasını öz qarşılarına məqsəd qoyub.

Xəbər lenti

Xəbər lenti