Azərbaycanın kiçik şəhərlərində su təchizatı və kanalizasiya sisteminin yaxşılaşdırılması layihəsi 2007-ci ilin əvvəlində Dünya Bankının Direktorlar Şurasının təsdiqinə təqdim olunacaq. Bu barədə Trend ə DB-nin Avropa və Mərkəzi Asiya ölkələrində İnfrastruktur Departamentinin direktoru Piter Tompson mətbuat konfransında bildirib.
"Biz bu istiqamətdə proqram hazırlayırıq və bir çox BMİ-lər kimi su təchizatı sisteminin bərpasına köməklik göstərməyə hazırıq" -deyə P.Tompson vurğulayıb. Bank iki iştirak variantını nəzərdən keçirir :ümumi sektor yanaşması və ya bir neçə regionun seçilməsi.
Bu, DB-nin Azərbaycanda su təchizatı sisteminin yaxşılaşdırılması üzrə iştirak etdiyi ikinci layihədir. Birincisi "Böyük Bakının sü təchizatı" layihəsi idi.
İlkin məlumatlara əsasən, DB layihənin gerçəkləşdirilməsi üçün $150 mln. kredit ayırmağa hazır olduğunu bildirib.
