...

İİN "KAMAZ"dan Azərbaycanda quraşdırma istehsalatının yaradılması üzrə şərtləri gözləyir

Biznes və iqtisadiyyat xəbərləri Materials 10 Avqust 2006 16:07 (UTC +04:00)

Trend-i buradan izləyin

İqtisadi İnkişaf Nazirliyi Azərbaycanda yük avtomobillərinin quraşdırma istehsalatının yaradılma şərtləri üzrə "KAMAZ" ASC-nin təkliflərini gözləyir.

İqtisadi inkişaf naziri Heydər Babayevin Trend ə verdiyi xəbərə görə, bu, Azərbaycanın "Az Motors Co Ltd." şirkətindən kənarda ayrıca istehsalat olacaq. "Az Motors Co Ltd." şirkəti 2006-cı ilə qədər "KAMAZ"ın rəsmi dileri olub və Azərbaycanda KAMAZ avtomobillərinin istehsalını və satışını təşkil edib. Lakin əməkdaşlıq vaxtından bəri cəmi 250 maşın satılıb.

"Biz "KAMAZ" rəhbərliyi ilə danışıqlar apardıq və onların şərtlərini gözləyirik. Onlar quraşdırma istehsalatını bu şərtlər əsasında yaratmaq istəyirlər. Onlar maya dəyərinə görə "KAMAZ"ın istehsal etdiyindən baha olacaq sadəcə bir-iki avtomobili quraşdırmaq deyil, dövlətin iştirakı və dəstəyi ilə bu istehsalatı təşkil etmək istəyirlər. Əsas etibarilə, bu normaldır. "KAMAZ"da konveyer var və bu konveyer daha ucuz yığır. Lakin Azərbaycana avtomobil tədarük etmək və elə burada öz istehsalı ilə rəqabət aparmaq olmaz. Biz bu məsələləri müzakirə etmişik və qarşılıqlı anlaşmaya gəlmişik", - deyə nazir qeyd edib.

Onun sözlərinə görə, buna böyük maraq var, ona görə də bu istehsalatın inkişafı üçün bütün mümkün güzəştləri gözdən keçirmək lazımdır, lakin bu halda avtomobilin bir növü yığılmamalıdır.

Hazırda Azərbaycanda ağır yük maşınları bazasının 70%-i "KAMAZ" avtomobillərinin payına düşür.

Xəbər lenti

Xəbər lenti