...

Azərbaycan Milli Bankı avqustun sonuna qədər banklarda keçirilən diaqnostikanı tamamlayacaq

Biznes və iqtisadiyyat xəbərləri Materials 12 Avqust 2006 12:25 (UTC +04:00)

Trend-i buradan izləyin

Azərbaycan Milli Bankı avqustun sonuna qədər ümumi kapitalın 1 iyul 2006-cı ilə qədər 6,4 mln. manata çatdırılması üzrə AMB-nin normativ tələblərinin yerinə yetirilməsi üzrə bank hesabatlarının diaqnostik yoxlamalarını tamamlamağı planlaşdırır. AMB-nin baş direktoru Rüfət Aslanlının Trend ə verdiyi xəbərə görə, bu günə qədər bank məlumatlarının ilkin emalı başa çatıb.

Həmçinin diaqnostik tədqiqatlar keçirilib və hazırda banklarla müzakirələr davam edir. Tamamlanan kimi onların nəticələri Milli Bankın idarə heyətinə təqdim olunur.

Lakin "Banklar haqqında" Qanun qəbul olunduqdan sonra banklarda yoxlamaların keçirilməsi üzrə yeni prosedur qaydaları qəbul olunub. Onlara müvafiq olaraq prosessual müddətlər ayrılıb. Yoxlamalar bitən kimi AMB nəticələri banklara təqdim edir və onların mövqelərini gözləyir.

"Gözlədiyimiz kimi, normativin yerinə yetirilməsi ilə bağlı ciddi problem olmayıb. Beş bank hələ iyunda Milli Banka müraciət edərək, öz emissiyalarının yerləşdirilməsi prosedurları ilə əlaqədar bir aydan çox vaxt verməyi xahiş edib. Bu günə olan məlumata əsasən, banklar nəzərdə tutulmuş normativ tələbə çatıb, lakin yekunların açıqlanması üçün bütün prosedurları tamamlamaq lazımdır və həmin işlər də bu ay görüləcək", - deyə R.Aslanlı bildirib.

AMB -nin idarə heyətinin təsdiq etdiyi qrafikə görə, 1 yanvar 2007-ci il üçün müəyyən olunmuş növbəti normativ tələb 8,200 mln. manat təşkil etməli, 1 iyul 2007-ci ilə qədər isə bankların ümumi kapitalı 10 mln. manatdan az olmamalıdır.

Xəbər lenti

Xəbər lenti