1 avqust 2006-cı ilə olan vəziyyətə görə, Azərbaycanda rəsmi olaraq işsiz qismində 55,295 min nəfər qeydə alınıb. Onlardan 51,2%-i qadındır. Dövlət Statistika Komitəsindən Trend ə verilən xəbərə görə, ölkədə bir boş yerə 4 işsiz namizəddir. İyul ayı ərzində işsizlərin sayı 0,3% azalıb.
Hesabat dövrü ərzində ölkənin iş qabiliyyətli əhalisi 3872,6 min nəfər təşkil edib. Onlardan 33,8%-i muzdla işləyir. Muzdla işləyənlərdən 22,3% istehsalat sahəsinə, 77,7% xidmət sahəsinə, böyük hissəsi isə kiçik və orta müəssisələrə cəlb olunub.
İşsizliyə görə müavinətin orta məbləği 50,8 manat və ya iyul ayında muzdla işləyənlərin orta aylıq əmək haqqının 35,6%-ni təşkil edir.
