Azərbaycan Milli Bankı Azəriqazbank səhmdar -investisiya bankına xarici səhmdarların daxil olmasına icazə verib. Bu barədə Trend ə Azəriqazbankın idarə heyətinin sədri Azər Mövsümov xəbər verib.
Onun sözlərinə görə, avqustun sonuna qədər Beynəlxalq Maliyyə Korporasiyası və Asiya İnkişaf Bankı ilə onların səhmdarların tərkibinə daxil olması haqqında üçtərəfli müqavilənin imzalanacağı gözlənilir.
Beynəlxalq maliyyə institutlarına veriləcək ümumi səhm paketi 35% təşkil edir. Azəriqazbank nizamnamə kapitalında xarici kapitalın olmadığı, respublikada fəaliyyət göstərən 44 bankdan 19-cusu olacaq.
Onlar paritet münasibətlərlə daxil olacaq və deməli, onlardan hər biri 17,5% səhmi almaq üçün eyni məbləğdə sərmayə qoyacaq. BMK artıq Azəriqazbankda iştirak üçün 17,5%-in 2,3 mln. ABŞ dollarına alınması haqqında bildirib.
Hazırda bankın nizamnamə kapitalı 7,4 mln. manat, ümumi kapital isə təxminən 9 mln. manat təşkil edir. İlin sonunadək NK 12 mln. manata çatdırılacaq.
