Milli Məclisin payız sessiyasında "Hərbi doktrina" və "Milli Təhlükəsizlik konsepsiyası" müzakirə olunacaq. Trend xəbər verir ki, sentyabrın 11-də LİNKS Təşkilatının Milli Məclislə birgə tərəfdaşlıq layihəsinə dair keçirdiyi tədbirdə jurnalistlərə birinci vitse-spiker Ziyafət Əsgərov bildirib.
Z.Əsgərov qeyd edib ki, artıq adıçəkilən sənədlər üzərində iş yekunlaşmaq üzrədir. Birinci vitse-spiker Milli Məclisin payız sessiyasının sentyabrın 30-da başlayacağını da vurğulayıb. Qeyd edib ki, payız sesiyasınadək parlamentdə aparılan təmir işləri başa çatacaq.