Bakı Fond Birjası (BFB) səhmdarlarının növbədənkənar ümumi toplantısı birjanın idarə heyətinin yeni tərkibini təsdiqləyib. BFB idarə heyətinin sədr müavini Mustafa Məmmədovun Trend ə verdiyi məlumata görə, Xəyal Abdinov idarə heyətinin sədri təyin olunub. Əvvəllər o, "Standard Capital"a başçılıq edib, lakin 2006-cı ilin avqust ayının 18-dən fond birjasının başçısı vəzifəsini icra edib.
Toplantıda qəbul olunmuş qərara əsasən, idarə heyətində sədrlə yanaşı, iki üzv - direktorlar da təmsil olunacaqlar.
"Yeni idarə heyəti qərb standartlarına uyğun formalaşıb. Burada deroktarat var və ona görə də idarə heyətinin sədr müavinləri vəzifələri ləğv olunub", - deyə M. Məmmədov bildirib.
BFV-da marketinq üzrə direktor və biznes inkişafı üzrə direktor olacaq. Bu vəzifələrə müvafiq olaraq Mustafa Məmmədov və Mənsur Məmmədov başçılıq edəcəklər. Axırıncı bu günə qədər fond birjasında ticarət şöbəsinə başçılıq edib. Biznes inkişafı üzrə direktor ticarət, klirinq və depozitar fəaliyyətin tənzimlənməsi məsələləri ilə məşğul olacaq.
Növbədənkənar iclasın çağrılması birjaya yeni başçının təyin olunması zərurətindən doğub. Əvvəl bu vəzifəyə Anar Axundov başçılıq edib. O, Azərbaycan İnvestisiya Şirkətinin icraçı direktoru təyin edilib.
BFB tərkibinə 18 səhmdar daxildir.