...

Bakı dairəvi yolunun tikintisi ilin sonunadək başlanacaq

Biznes və iqtisadiyyat xəbərləri Materials 16 Oktyabr 2006 16:44 (UTC +04:00)

Trend-i buradan izləyin

Azərbaycanın Nəqliyyat Nazirliyi yaxın vaxtlarda 1 saylı Bakı dairəvi yolunun tikintisi üçün elan olunmuş tenderin qalibi Mak Yol və Köpri BM ilə podrat sazişi bağlamaq niyyətindədir. Bu barədə Trend ə Azərbaycanın Nəqliyyat Nazirliyindən məlumat verilib.

İlin sonunadək həmin layihənin reallaşdırılmağa başlaması nəzərdə tutulub. Şirkətlər işlərin yerinə yetirilməsini 49,5 mln. ABŞ dolları dəyərində qiymətləndiriblər.

Bu layihənin ümumi dəyərinin 51,69 mln. ABŞ dolları səviyyəsində olacağı güman edilir. Layihəni 15,27 mln. ABŞ dolları həcmində kredit vermiş Küveyt inkişaf fondu, 10 mln. ABŞ dolları həcmində kredit vermiş Ərəb inkişaf fondunun vəsaitləri hesabına reallaşdırmaq nəzərdə tutulurdu. Ərəb maliyyə institutlarının krediti illik 2,5% faiz dərəcəsi ilə dörd illik güzəşt dövrü ilə 20 il müddətinə verilib. Layihə bahalaşdığından vəsaitlərin çatışmayan hissəsi həmçinin Azərbaycan tərəfindən verilə bilər. Bu məbləğ 26,42 mln. ABŞ dolları təşkil edəcək.

Layihənin dəyəri layihəçi - İordaniyanın "Arab Konsalt" şirkəti tərəfindən yolun təkrar texniki araşdırmasının keçirilməsindən sonra dəqiqləşdirilib. Layihənin bahalaşması kommunikasiyaların köçürülməsinin, eləcə də 5 km uzunluğunda yolun və layihənin əvvəlki texniki -iqtisadi əsaslandırılmasında nəzərdə tutulmayan bir sıra digər infrastrukturların inşasının zəruri olması ilə izah olunur. O cümlədən yolu yeni avtovağzal kompleksi ilə birləşdirəcək yeni körpünün tikintisi nəzərdə tutulub. Bundan əlavə, 90-cı illərin ortalarında həmin layihənin TİƏ-nin hazırlanması zamanı bir sıra səhvlər buraxılıb. Bununla yanaşı, tikinti material və xidmətlərin qiymətləri 44-45% artıb.

Xəbər lenti

Xəbər lenti