Azərbaycan Milli bankının məlumatına görə, 2006-cı ilin sentyabrında baza inflyasiyası ötən ilin analoji ayı ilə müqayisədə 8,2% artıb.
AMB-dən Trend ə verilən məlumata görə, sentyabrda istehlak qiymətləri indeksinin artımı avqusta nisbətdə 0,6%, 2006-cı ilin əvvəli ilə müqayisədə isə 6% təşkil edib. Bu hesablamalar birinci metodologya üzrə aparılıb. Bu zaman inzibati tənzimlənən qiymətlərin (enerji daşıyıcılarının qiymətləri) və mövsüm qiymətlərinin (meyvə və tərəvəzlərin qiymətləri) dəyişməsi aradan qaldırılır.
Hesablamanın ikinci metodologiyasına görə, bu ilin sentyabrında baza inflyasiyası 2005-ci ilin analoji dövrü ilə müqayisədə 5% təşkil edib. İlin əvvəli ilə müqayisədə artım 3,8%, avqustla müqayisədə isə - 0,3%-ə bərabər olub. AMB bu göstəriciyə əsasən inzibati və mövsüm (meyvə-tərəvəz) qiymətlərinin müəyyən edildiyi mal və xidmətlərin sayını zənbildən 16% təmizləyir.
