Cari il may ayının 20-də Avropa Yenidənqurma və İnkişaf Bankı və "Bank of Baku" ASC arasında imzalanmış sazişə əsasən, banka ayrılmış 4.5 mln. ABŞ dolları həcmində kredit xətti tam yerləşdirilib. AYİB tərəfindən ayrılmış vəsait kiçik və orta sahibkarlığın kreditləşdirilməsinə və mikrokreditləşməyə yönəldilib.
Qeyd edək ki, "Bank of Baku" AYİB-lə 2004-cü ilin fevral ayından əməkdaşlıq edir. Bu müddət ərzində AYİB-in Banka ayırdığı Ümumi kredit məbləği 10.5 mln. ABŞ dolları təşkil edib. Ayrılmış vəsaitlərdən 4 mln. ABŞ dolları ticarətin maliyyələşdirilməsinə, 4.5 mln. ABŞ dolları kiçik və orta sahibkarlığın kreditləşdirilməsinə, 2 mln. ABŞ dolları isə mikrokreditləşməyə yönəldilib. Bəynəlxalq maliyyə təşkilatları tərəfindən ayrılmiş kredit xətti 20 mln. ABŞ dolları təşkil edir.
