2007-ci ilin fevralın 15-dən etibarən Azərbaycan hökuməti və Ümumdünya Bankı (ÜB) arasında respublikada torpaq kadastrının yaradılması layihəsi çərçiəsində kredit razılaşması üzrə rəsmi danışıqlar başlaycaq.
Bu beynəlxalq maliyyə institutunun Bakı ofisinin rəhbəri Qreqori Yedjeyçakın Trend ə verdiyi məlumata əsasən, layihənin yekun dəyəri hələ tamamlanmayıb, buna görə də 13-14 fevral tarixində texniki müzakirələr aparılacaq. "Texniki qiymətləndirmə çərçivəsində layihənin komponentləri, ləyihə çərçivəsində xəritənin tərtib olunmasında milli təhlükəsizlik məsələləri dəqiqləşdiriləcək", deyə Q. Yedjeyçak bildirib.
Komponentlərin dəqiqləşdirilməsinin nəticəsində layihənin dəyəri azalacaq, belə ki, dövlətin Maliyyə Nazirliyi Dövlət Əmlakının İdarə Edilməsi üzrə Dövlət Komitəsi, Torpaq və Xəritəçəkmə Dövlət Komitəsi üzrə komponentlərin aradan qaldırılması hesabına xarici maliyyələşməni 40-50 milyon dollardan 30 milyon dollara qədər azaltmağı təklif edib.
ÜB layihəsi çərçivəsində bu dövlət orqanlarında həyata keçiriləcək bəzi təmir-tikinti işlərini hökumət daxili resurslar hesabına həyata keçirməyi planlaşdırır.
ÜB və Azərbaycan hökumətinin kredit payı rəsmi danışıqların gedişində razılaşdırılacaq. 2007-ci ilin martın sonunda bank direktorları şurasında kredit təsdiq olunacaq.
ÜB layihəsi respublika üzrə qeydiyyat sistemini əhatə edəcək, lakin onun çərçivəsində bir sıra pilot layihələr olacaq. Layihənin benefisiarları müəyyən olunub - Nazirlər Kabineti yanında Daşınmaz Əmlakın Reesteri üzrə Dövlət Xidməti, Torpaq və Xəritəçəkmə üzrə Dövlət Komitəsi, Dövlət Əmlakı üzrə Dövlət Komitəsi və Ədliyə Nazirliyi. Layihə çərçivəsində daşınmaz əmlakın qeydiyyatını, xəritə kadastrlarının hazırlanması və dövlət əmlakının idaretmə sisteminin möhkəmləndirilməsi nəzərdə tutulub. Layihəyə cəlb olunmuş dövlət təşkilatlarında yüksək keyfiyyət səviyyəsinin təmin olunması üçün informasiya texnologiyalarının inkişafı nəzərdə tutulur.
