Azərbaycan,Bakı/müxbir Trend S.Babayeva /Azərbaycanın Hesablama Palatası (AHP) "Agrolizing" ASC-nin audit proqramını təsdiqələyib. Bu barədə AHP-dən məlumat verilib.
Yoxlamanın əsas məqsədi 2005-2006-cı illərdə "Kənd təsərrüfatı"na dövlət büdcəsindən ayrılmış vəsaitlərin istifadəsinin müəyyən edilməsidir.
Audit martın 28-dən aprelin 27-nə qədər aparılacaq. Audit zamanı mühasibat hesabları, hesab üzrə ödəmə-hesab sənədləri yoxlanılacaq.
"Agrolizing" ASC Azərbaycan prezidenti İlham Əliyevin sərəncamı ilə 23 oktyabr 2004-cü ildə yaradılıb. Müəssisənin fəaliyyəti aqrar sahənin yaxşılaşdırılması və lizinq yolu ilə yerli torpaq sahiblərinə müxtəlif növ kənd təsərrüfatı texnikasının alınması yolu ilə ölkədə sahibkarlığa kömək göstərməyə istiqamətlənib.