Azərbaycan, Bakı /müx. Trend İ.Xəlilova / Azərbaycanın iqtisadi inkişaf naziri Heydər Babayev cümə axşamı bildirib ki, Azərbaycanın Ümumdünya Ticarət Təşkilatına qəbul olunması ilə bağlı bu təşkilatın üzvləri ilə danışıqlar uzana bilər. "Bununla əlaqədar birtərəfli və çoxtərəfli danşıqların tam başa çatma müddətini əvvəlcədən xəbər vermək çətindir", -deyə Babayev bildirib.
Hazırda Azərbaycan ABŞ, Kanada, Yaponiya, Cənubi Koreya və Tayvanla mallar və xidmətlər barədə ikitərəfli danışıqlara hazırlaşır.
"ÜTT-yə daxil olma prosesini sürətləndirmək məqsədilə siyasi qərarlar mövcuddur. Azərbaycan hökumətindən qısa müddətə milli qanunvericiliyi ÜTT-nin tələblərinə uyğunlaşdırmaq tələb olunur. Mənə elə gəlir ki, 2007-ci ilin sonlarına qədər yaxınlaşma posesi bitəcək" , -deyə nazir bildirib. Onun sözlərinə görə, unifikasiyaya aid olan 39 normativ-hüquqi aktdan yalnız dördünə dəyişikliklər olunub.
Babayev həmçinin artıq ÜTT üzvü olan ölkələrlə, eləcə də Ermənistanla mümkün danışıqlara münasibətini bildirib. "ÜTT-yə artıq üzv olan bu ölkə öz üzərinə öhdəlik götürüb ki, Azərbaycana müvafiq prosesdə maneçilik törətməsin. Ermənistanla müqavilə imzalamaq planlaşdırılmır, belə ki, biz bu ölkə ilə danışıqlar aparmağa hazırlaşmırıq" -deyə o bildiriib. Amma hazırda Azərbaycan Turkiyə, Gürcüstan, Moldova aə Omanla danışıqları bitirib.
