Azərbaycan, Bakı / Trend , müxbir İ.Xəlilova / Bazar ertəsi Azərbaycan Nazirlər Kabinetindən verilən məlumata görə, İslam İnkişaf Bankı (İİB) ümumi dəyəri 105. mln. dollar olan Mingəçevir SES-in bərpasının ikinci mərhələsi üzrə layihə ilə bağlı kredit müqaviləsinin yekun variantını imzalanmaq üçün Azərbaycan hökumətinə göndərib. Sənəd "Azərenerji" SC-nin prezidenti Etibar Pirverdiyev tərəfindən imzalandıqdan sonra birbaşa banka göndəriləcək.
İİB-nin Direktorlar Şurası hələ 2007-ci ilin yanvarında bu layihənin maliyyələşməsi üçün 80 mln. dollar kredit ayrılmasını təsdiq edib. Layihə üzrə digər xərclər (25 mln. dollar) Azərbaycan hökuməti tərəfindən ödəniləcək. Müqavilə layihəsinə əsasən, İİB krediti güzəştli dövr 3 il, illik faiz dərəcəsi 5,95 olmaqla 15 il müddətinə təqdim edir. Vəsaitlər "lizinq" mexanizmi ilə təqdim olunacaq.
Birinci mərhələ çərçivəsində Mingəçevir SES-də aparılan işlər hələ 90-cı illərin sonunda da aparılıb. İİB və AYİB-in maliyyə dəstəyi sayəsində generatorlar, yarımstansiyalar dəyişdirilib, yerüstü idarəetmə pultları quraşdırılıb. Ümumilikdə bu işlərə 40 mln. dollar sərf olunub ki, bu məbləğin 12,5 mln. dolları İİB, 21 milyonu isə Avropa Bankı tərəfindən ayrılıb.