Azərbaycan, Bakı/ Trend müxbir Ü.İsmayılova/ Qırğızıstan hökuməti hasilat sənayesində şəffaflığın təmin edilməsi (ELTI) sahəsində Azərbaycanın təcrübəsini öyrənmək istəyir. Bunu cümə axşamı Qırğızıstanın EITI üzrə koalisiyasının PR-meneceri Yelena Çereminina bildirib.
Çeremininanın sözlərinə görə, Qırğızıstan və Azərbaycanın 2004-cü ildən EITI-nin üzvü olmasına baxmayaraq, bir müddət öncə ölkədə mövcud olan qeyri-stabillik səbəbindən bu sahə hələ ki inkişaf etmir.
Çeremininanın fikrincə, Qırğızıstanda EITI-nin tətbiqində problem ölkə qanunlarında şəffaflığın olmamasıdır ki, bununla da iri dövlət müqavilələri ictimaiyyət üçün bağlı qalır.