Azərbaycan, Bakı / Trend , müxbir S.Əliyev/ Bazar ertəsi hökumətdən verilən məlumata görə, 2008-ci ildə Azərbaycanda ümumi neft hasilatının 53 mln. ton səviyyəsində olacağı planlaşdırılır. Ümumi həcmin 45 mln. tonu, başda BP olmaqla, şirkətlər konsorsimumu tərəfindən işlənilən "Azəri-Çıraq-Günəşli" yatağının payına düşür. Azərbaycan Dövlət Neft Şirkəti 8,75 mln. ton neft hasil etmək niyyətindədir.
Gələn il Azərbaycana11,237 mlrd. kubmetrə yaxın qaz təhvil veriləcək. Ümumi həcmin 7 mlrd. kubmetri Azərbaycan Dövlət Neft Şirkətinə təhvil veriləcək, "Azəri-Çıraq-Günəşli" yatağından 1,4 mlrd. kubmetri səmt qazı, "Şahdəniz" yatağından isə, 2,9 mlrd. kubmetr qaz.
Azəri"- "Çıraq"- "Günəşli" yatağından hasilatın pay bölgüsü barədə razılıq 1994-cü ildə imzalanıb. Müqavilə "Azəri"- "Çıraq"- "Günəşli" müqavilə sahəsinin 30 ilə ərzində işlənməsini nəzərdə tutur. "Çıraq" yatağında hasilat 1997-ci ildə, "Mərkəzi Azəri"də 2005-ci ilin əvvəlində, "Qərbi Azəri"də 2006-cı ilin əvvəlində, "Şərqi Azəri"də isə 2006-cı ilin sonunda başlanıb. "Günəşli" yatağının dərin su hissələrində hasilata gələn ilin ortalarında başlanması nəzərdə tutulur. "Azəri-Çıraq- Günəşli" yatağından hasil olunan neftin pay bölgüüsü barədə müqavilənin tərəfdaşları aşağıdakılardır: BP (operator- 34,1%), ChevronTexaco (10, 2814%), ARDNŞ (10%), İNPEX (10%), Statoil (8, 5633%), ExxonMobi (8,006%), TRAO (6,75%), Devon Energy (5,6262%), İtochu (3,9205%), Delta Hess (2,7213).
"Şahdəniz" yatağının işlənməsinə dair müqavilə 1996-cı il iyunun 4-də imzlanıb. "Şahdəniz" layihəsində hasilatın iştirakçı payına dair müqavilənin iştirakçıları BP (operator-25,5%), "StatoilHydro " (25,5%), Azərbaycan Respublikasının Dövlət Neft Şirkəti (ARDNŞ 10%), "LUKAgip" (10% ), NİCO (10%), "Total"(l0%), və TRAO (9%) şirkətləridir. Yataqda qaz hasilatı 2006-cı ilin dekabrında başlanıb. Hazırda qaz Cənub Qafqaz qaz kəməri vasitəsilə Gürcüstan və Türkiyəyə nəql olunur. Azərbaycan da bu qazın alıcısı qismində çıxış edir. Hazırda yataqda üç quyu işləyir, bu quyulardan sutkada 16 mln. kubmetr qaz hasil olunur. Dördüncünün istismara verilməsi prosesi gedir. Gələn il daha iki quyunun istismara verilməsi nəzərdə tutulur.
Azərbaycan Dövlət Neft Şirkəti gələn il qazın hasilatının genişləndirilməsi proqramının həyata keçirilməsi nəticəsində, 8 mlrd. kubmetr qaz hasil etmək niyyəindədir.