Azərbaycan, Bakı, 24 iyul/ Trend , müxbir S.Əliyev/ Növbəti ilin sonunadək Azərbaycan Dövlət Neft Şirkətinin SOCAR Energy Georgia şirkəti Tbilisidə yeni ofisinin tikintisini başa çatdırmaq niyyətindədir. Bu barədə SOCAR Energy Georgia şirkətinin rəhbəri Mahir Məmmədov məlumat verib.
SOCAR Energy Georgia 4 min kvadratmetrdən çox torpaq sahədə tikilən binada yerləşəcək. Şirkət bu torpaq sahəsi üçün təqribən $3 mln. ödəyib.
SOCAR Energy Georgia Gürcüstanın neft və neft məhsulları bazarında distribüterlik və marketinqlə məşğuldur. Şirkət Gürcüstan bazarında neft məhsulları və qaz satır, yanacaqdoldurma stansiyaları şəbəkəsinə malikdir. Azərbaycanın Dövlət Neft Şirkəti bu şirkətdə 51 faiz iştirak payına malikdir.