Azərbaycan, Bakı, 28 avqust / , müxbir E.İsmayılov/ Gürcüstanın Qara dəniz limanlarına nəql olunan yük həcmi 30-40 faiz azalıb. Bu barədə cümə axşamı neft daşımaları bazarındakı mənbədən bildiriblər.
"Bu istiqamətdə yük dövriyyəsi indi əvvəlkinə nisbətdə 60-70 faiz təşkil edir", - deyə bazardakı mənbədən bildiriblər. Bu limanlara, əsasən, neft və neft məhsulları tədarük olunur.
Qara dəniz istiqamətində yük dövriyyəsinin azalması yük nəqlinin müvəqqəti həyata keçirildiyi alternativ körpüdən (1901-ci ildə tikilib) keçən qatarların onun köhnəliyinə görə, hərəkət və sürətinin azalması ilə izah olunur.
Gürcüstanın Qara dəniz limanlara hərəkət Gürcüstanın Kaspi şəhəri yaxınlığında bu istiqamətdə aparan dəmir yolu körpüsünün partladılması səbəbindən, avqustun ortalarında dayandırılıb. Hazırda bu körpüdə təmir işləri aparılır və Gürcüstan Dəmir Yol Sistemindən bildiriblər ki, təmir işlərinin 7-10 gün ərzində başa çatdırılması planlaşdırılır.
Hazırda bu istiqamətdə nəql əsas dəmir yolu sahəsinin partladılmasından sonra iki-üç gün ərzində təmir edilən alternativ dəmir yolu ilə həyata keçirilir.
Məqalə müəllifi ilə əlaqə ünvanı: capital
