Azərbaycan Dövlət Neft Şirkəti (ARDNŞ) istehsal etdiyi neft və neft məhsullarını Gürcüstan, Rumıniya, Türkiyə, Böyük Britaniya, İsveçrə, Ukrayna, Avstriya və Qazaxıstandakı əcnəbi istehlakçılarına çatdırmaq üçün öz nümayəndəliklərini yaradıb, - neft şirkətinin prezidenti Rövnəq Abdullayevin Neftçilər günü ilə bağlı təbrikində bildirilir.
ARDNŞ -nin prezidentinin təbrikində bildirilir ki, 2007- ci ildə Azərbaycanda rekord həcmdə - 42 mln. ton neft hasil edilib. Cari ildə ölkədə hasilat 52 mln. tonu ötəcək.
2008 - ci il ərzində ARDNŞ Türkiyənin Petkim neft - kimya Holdinqinin sahibi olub, Gürcüstanda yanacaqdoldurma məntəqələri və bu ölkənin Qara dəniz sahilində Kulevi neft terminalını açıb.
