Azərbaycan, Bakı, 08 oktyabr/ Trend , müxbir A.Bədəlova/ ABŞ - ın Dövlət Energetika İnformasiyası İdarəsi (EİA) 2009 - cu ildə dünyada neftə olan tələbatın 780 min barel - sutkada 86,92 mln. barelədək artacağını proqnozlaşdırır.
EİA - nın proqnozlarına əsasən, cari ildə dünyada neftə tələbat sutkada 300 min barel - sutkada 86,14 mln. barelədək artacaq. Bu göstərici EİA - nın ötən ay proqnozlaşdırdığı həcmdən 350 min barel azdır. 2008 - ci ildə İqtisadi Əməkdaşlıq və İnkişaf Təşkilatına (İƏİT) daxil olmayan ölkələrdə neftə tələbat sutkada 1,4 mln. barel - sutkada 38,07 mln. barelədək artacaq. Cari ildə İƏİT dövlətlərində xammala tələbat sutkada 48,07 mln. barel olacaq ki, bu da ötən ilki göstəricidən 1,1 mln. barel azdır. 2009 - cu ildə İƏİT ölkələrində neftə tələbatın həcmi sutkada 0,51 mln. barel - sutkada 47,56 mln. barelədək azalacaq. Gələn il bu təşkilata daxil olmayan dövlətlərdə tələbat sutkada 1,29 mln. barel - sutkada 39,36 mln. barelədək artacaq. Dövlət Energetika İnformasiyası İdarəsi ABŞ departamentinin energetika üzrə statistika agentliyidir və 1977 - ci ildə Konqres tərəfindən yaradılıb.
Müəlliflə əlaqə saxlamaq üçün elektron ünvan: с[email protected]