Qazaxıstan, Almatı, 08 oktyabr/ Trend , müxbir K.Konırova/ "Qazaxıstan Xəzər Nəqletmə Sisteminin (QXNS) planlaşdırılan ötürmə gücü 35-56 mln. ton neftədək genişləndirilmək imkanı ilə, birinci mərhələdə 23 mln. ton neftə bərabər olacaq", - Qazaxıstanın "KazMunayqaz" dövlət şirkətinin prezidenti Karigeldı Kabıldin Almatıda keçirilən KEOGE - 2008 konfransında çıxışında bildirib, - Trend -ın xüsusi müxbiri xəbər verir.
Kabıldinin sözlərinə görə, QXNS sisteminin 2012 - ci ildə istismara veriləcəyi planlaşdırılır.
"Biz mövcud marşrutların genişləndirilməsi və yeni nəqletmə istiqamətlərinin formalaşdırılması üzrə fəal iş aparırıq", - o bildirib.
"KazMunayqaz"ın rəhbərinin sözlərinə görə, QXNS layihəsi çərçivəsində Eskene-Kurık neft kəmərinin çəkilməsi və tanker donanması, Xəzər dənizin Azərbaycan və Qazaxıstan sahillərində terminallara, illik gücü 50 mln. ton olan Bakı - Tbilisi - Ceyhan (BTC) boru kəməri sisteminədək birləşdirici qurğulardan ibarət olacaq TransXəzər sisteminin yaradılması planlaşdırılır.
"Layihənin realizəsi ölkənin iri yataqlarından və o cümlədən də dəniz yataqlarından beynəlxalq bazarlara neft ixracını təmin edəcək", - Kabıldin bildirib.
QXNS ilə, əsasən, Qazaxıstanın "Kaşağan" yatağından BTC boru kəmərinə neft nəql ediləcək. "Kaşağan"dan ilk neftin hasilatı 2013 - cü ilin sonuna təyin edilib.
Müəlliflə əlaqə saxlamaq üçün elektron ünvan: с[email protected]
