...

ARDNŞ-in ən böyük dəniz yatağında yeni buruqların inşasına hazırlıq görülür

Energetika Materials 19 Oktyabr 2008 08:54

Trend-i buradan izləyin

Azərbaycan, Bakı, 19 oktyabr / Trend müxbir E.İsmayılov/ Azərbaycan Dövlət Neft Şirkəti (ARDNŞ) "Neft Daşları" Neft-Qaz Hasilatı İdarəsi (NQHİ) oktyabrın sonunadək 2214 saylı sahədə 3 neft buruğundan hasilata başlayacaq. Bu barədə NQHİ-yə yaxın mənbə bildirib.

Mənbə qeyd edib ki, buruqlar artıq qazılıb, 7-10 gündən sonra hasilat başlanacaq.

Hər buruqdan proqnozlaşdırılan gündəlik hasilat 10 ton təşkil edir. Buruqlar ilin sonunadək istismara veriləcək.

Bu tədbirlər Azərbaycan prezidentinin, NQHİ-də hasilat həcminin 812 min ton neftdən 1,2 milyon tonadək artırılması barədə sərəncamı çərçivəsində həyata keçirilir. Cari ildə yataqda neftin hasilatının 936 min 420 tona çatdırılması nəzərdə tutulub. ARDNŞ-nin xəbər verdiyi kimi, NQHİ neftin hasilatını 1 milyon 20 min tona çatdırmağı planlaşdırır.

NQHİ həmçinin yeni rezervuar parkında olan altı rezervuardan dördündə montaj işləri aparır. Digər iki rezervuar üçün meydançalar tikilir. Cari ilin sonunadək yeni rezervuar parkı istismara veriləcək.

Hər bir rezervuarın həcmi 2000 ton, diametri 15 metr, hündürlüyü 12 metrdir.

ARDNŞ-nin geoloqlarının fikrincə "Neft Daşları" yatağında neftin qalıq həcmi 30 milyon tondur. Hasilat həcmini artırmaq məqsədi ilə şirkət 2010-cu ilədək yataqda 78 buruq qazacaq.

Məqalə müəllifi ilə əlaqə ünvnanı: [email protected]

Xəbər lenti

Xəbər lenti