Özbəkistan , Daşkənd, 12 noyabr / Trend , müxbir T.Jukov/ "Özbəkneftqaz" Milli Holdinq Şi rkəti və Koreyanın Milli Neft Korporasiyası (KNOC) Özbəkistanın Fərqanə vadisində iki investisiya blokunda geoloji kəşfiyyat işlərinin aparılması barədə razılaşma imzalayıblar. Trend -ın Daşkənddəki xüsusi müxbiri bu barədə xəbər verir.
Namanqan-Terqaçinsk və Çust-Papsk investisiya bloklarının ümumi proqnoz ehtiyatları 280 min ton şərti yanacaq təşkil edir. Özbək holdinqinin mətbuat xidmətindən Trend -a belə deyiblər. Razılaşmada Koreya tərəfinin geoloji kəşfiyyat işlərinin hər iki blokda beş il ərzində, iki mərhələdə aparılması nəzərdə tutulur. Geoloji kəşfiyyat 60 milyon dollar məbləğində minimal maliyyə öhdəliyi ilə həyata keçiriləcək. Sənədi "Özbəkneftqaz" MHŞ-nin sədri Uluqbəy Nəzərov və KNOC-un prezidenti Yonq-Von Kanq imzalayıblar.
KNOC həm də MHŞ-nin, Rusiya "LUKoyl"unun, Malazya "Petronas"ının və Çin CNPC-nin də üzv olduğu Aral dənizinin Özbəkistan hissəsində geoloji kəşfiyyat aparan beynəlxalq konsorsiuma daxildir.
Məqalə müəllifi ilə əlaqə ünvanı: [email protected]
