Gürcüstanda magistral qaz kəmərinin bərpasının ikinci fazası davam etdirilir
Gürcüstan, Tbilisi, 28 yanvar/ Trend , müxbir N.Kirtsxaliya/ Minilliyin Fondunun icraçı direktoru Qiorqi Abduşelişvili, "Minilliyin çağırışı" Korporasiyasının Gürcüstanda rəsmi nümayəndəsi Kolin Bakli və Gürcüstanın Neft-Qaz Korporasiyasının Baş direktoru Zurab Cancqava Qardabani ərazisində, Gürcüstanın şimalından cənubuna keçən magistral qaz kəmərinin hissələrindən birində aparılan tikinti - bərpa işləri ilə tanış olublar. Tikinti işləri Minilliyin Fondu tərəfindən həyata keçirilən enerji infrastrukturunun bərpası layihəsi üzrə nəzərdə tutulan magistral qaz kəmərinin bərpasının ikinci fazası çərçivəsində reallaşdırılır.
Tikintini Gürcüstanın beynəlxalq tenderdə qalib gəlmiş "Nyu enerci-Tbilisi-Qruzqidro" birgə müəssisəsi aparır. İşlər 2008 - ci ilin payızında başlanıb və cari ilin yazında başa çatacaq. Bu, Gürcüstan şirkətinin ilk irimiqyaslı işidir.
Enerji infrastrukturunun bərpası layihəsinin büdcəsi 62,5 mln. dollar təşkil edir. Birinci mərhələdə altı hissə bərpa olunub. Üçüncü faza çərçivəsində daha yeddi obyektin bərpası nəzərdə tutulur.
Məqalə müəllifi ilə əlaqə ünvanı - [email protected]
