Azərbaycan, Bakı, 13 iyun / Trend capital müx E.İsmayılov /
Neftin cari qiymətinin səviyyəsi Bakı-Tbilisi-Ceyhan ixrac boru xəttinin rentabelliyinə təsir etmir , şənbə günü Azərbaycanın sənaye və energetika naziri Natiq Əliyev bildirib.
"Türkiyə və Gürcüstan onların ərazisindən həyata keçirilən tranzitə görə, hər bir barel neft üçün müəyyən olunmuş məbləğdə vəsait alırlar və bu neftin qiymətindən asılı deyil.",- Əliyev deyib.
Azərbaycan hökumətinin nümayəndələri Bakı-Tbilisi-Ceyhan boru xəttinin tikilməsi və istifadəyə verilməsi zamanı bir neçə dəfə qeyd ediblər ki, onun rentabelliyi cari neft qiymətlərindən müqayisədə neftin daha aşağı qiymətlərinə hesablanıb. Bu səbəbdən borunun rentabelliyi ilə problem mövcud deyil.
BTC boru xəttinin ümumi uzunluğu 1768 km-dir, onun 443 km Azərbaycan, 249 km -Gürcüstan, 1076 km - Türkiyənin payına düşür. Boru xəttinin tikilməsi 2003-cü ilin aprelindən, onun neftlə doldurulması isə 2005-ci il mayın 18-dən başlayıb .
BTC-nin tikilməsi 4 milyar dollara başa gəlib. Bu xərclər tikinti işlərinə aiddir, borunun doldurulması, maliyyə xərcləri və bank faizlərinin ödənməsi bura daxil deyil. Ümumi maliyyə kreditinin məbləği 2,6 milyard dollar təşkil edir.
BTC Co-nun səhmdarları: BP (30,1 faiz); AzBTC (25 faiz); Chevron (8,9 faiz); StatoilHydro (8,71 faiz); ТРАО (6,53 faiz); Eni (5 faiz); Total (5 faiz); Itochu (3,40 faiz); Inpex (2,5 faiz); ConocoPhillips (2,50 faiz) и Hess (2,36 faiz).
Məqalə müəllifi ilə əlaqə wnvan;: [email protected]