Azərbaycan, Bakı, 16 iyun / Trend /
Bakı-Tbilisi-Ceyhan neft boru kəməri ilə yanvar-apreldə "Tenqiz" yatağından hasil edilən 592 min tona nisbətdə yanvar-may aylarında 754,8 min ton neft nəql edilib. Ölkənin Dövlət Statistika Komitəsindən bildirilir.
May ayında BTC ilə 163 min ton "Tenqiz" nefti nəql edilib. Aprel ayında bu göstərici 138 min ton təşkil edib.
2008-ci ildə (oktyabr-dekabr) BTC ilə 285,1 min ton Qazaxıstan nefti nəql edilib.
Ötən ilin oktyabr ayında Amerikanın Şevron şirkəti "Tenqiz" neftinin BTC ilə nəqlinə başalayıb. Müqavilənin şərtlərinə əsasən, "Tenqiz" nefti BTC ilə və dəmiryolu vasitəsilə Gürcüstan limanlarına (Kuleivi və Batumi) nəql ediləcək. Neft nəqlinin həcminin ildə dörd milyon tona kimi artırılacağı gözlənilir.
ŞevronTexaco Qazaxıstanın "Tenqiz" yatağının operatorudur. Müqavilədə nəzərdə tutulan ərazinin işlənməsi ilə "TenqizŞevroil" əməliyyat şirkəti məşğul olur.
BTC neft boru kəmərinin ümumi uzunluğu 1768 kilometr təşkil edir ki, onun 443 km Azərbaycan, 249 km Gürcüstan, 1076 km isə Türkiyə ərazisindən keçir. Boru kəmərinin tikintisinə 2003-cü ilin aprelində, neft ilə doldurulmasına isə 2005-ci ilin mayın18-də başlanılıb.
BTC səhmdarları aşağıdakılardır: BP (30,1 faiz); AzBTC (25 faiz); Chevron (8,90 faiz); StatoilHydro (8,71 faiz); ТРАО (6,53 faiz); Eni (5 faiz); Total (5 faiz); Itochu (3,40 faiz); Inpex (2,50 faiz); ConocoPhillips (2,50 faiz) və Hess (2,36 faiz).
Gürcüstanın Kulievdəki Qaradəniz terminalı Azərbaycan Dövlət Neft Şirkətinə, Batumidəki terminal isə "KazMunayqaz"a məxsusdur.
