Azərbaycan, Bakı, 03 avqust / Trend , müxbir Ü.İsmayılov /
Bu həftə ARDNŞ (Azərbaycan Respublikası Dövlət Neft Şirkəti) Xəzərin Azərbaycan sektorunda "Ümid" perspektiv qaz strukturunda ilk kəşfiyyat quyusunun qazılmasına başlamağı planlaşdırır. Bu barədə bazar ertəsi ARDNŞ-dəki mənbədən bildirilib. Şirkət strukturu öz vəsaiti hesabına hazırlamağı planlaşdırır.
"Dəqiq tarix haqqında danışmaq hələ ki, çox çətindir, lakin qazma işlərinin bu həftə ərzində başlaması mümkündür", - deyə mənbədən bildirilib.
Ekspertlərə görə, bu strukturda güclü təzyiq gözlənilir, buna görə də qazma işlərinə hazırlıq diqqətlə həyata keçirilir.
Strukturda kəşfiyyat quyusunun qazılmasını ARDNŞ-nin tərkibinə daxil olan "Bayıl limanı"nın Dəniz Kəşfiyyat Qazma İdarəsi həyata keçirəcək.
İlk kəşfiyyat quyusunun dərinliyi 6,5 min metr təşkil edir. Mənbənin bildirdiyi kimi, plana əsasən bu ildə dörd min metrə kimi qazma işlərinin aparılması planlaşdırılır.
ARDNŞ əvvəlcə "Ümid 1" platformasının inşasını başa çatdırmışdı. "Ümid 1" platforması tikintisi başa çatmayan "Çıraq 6" bazasında inşa edilib. Bu, proqram çərçivəsində ən böyük obyektdir, belə ki, onun hündürlüyü 72 metr təşkil edir. Platforma "Bulla-Dəniz" dəniz yatağının 15 kilometrliyində, dənizin 58 metr dərinliyində yerləşir. Platfromadan altı qaz quyusunun qazılması planlaşdırılır.
"Ümid" perspektiv strukturunda ehtimal olunan qaz ehtiyatları təxminən 300 milyard kubmetr təşil edir, ehtimal olunan qaz-kondensat ehtiyatları isə 30-40 milyon ton təşkil edir.
Məqalə müəllifi ilə əlaqə ünvanı: [email protected]
