Azərbaycan, Bakı, 18 avqust / Trend , müxbir E. İsmayılov /
Gələn ilin yazında ARDNŞ (Azərbaycan Respublikası Dövlət Neft Şirkəti) Tağıyev adına Neft-Qaz Çıxarma İdarəsinin 9,3 hektarlıq istehsalat ərazisində ekoloji parkın yaradılmasının birinci fazasını başa çatdırmağı planlaşdırır. Bu barədə ARDNŞ-dəki mənbə deyib.
"Bu layihə çərçivəsində işlər artıq başlayıb və təxminən gələn ilin martında parkın yaradılmasının birinci mərhələsinin başa çatdırılması planlaşdırılır", - mənbə deyib.
Onun sözlərinə görə, layihənin realizəsinin birinci mərhələsində ilkin layihə gücünün əldə edilməsi planlaşdırılır. İlk mərhələdə ərazinin hasara alınması, gərəkli infrastrukturun yaradılması planlaşdırılır və yeni növ birkilərin yetişdirilməsinə başlanılıb. Yeni ekoloji parkın enerjiyə tələbatının 20 faizi alternativ enerji mənbələrinin istifadəsi hesabına təmin ediləcək. Bu park üçün lazım olacaq 80-100 kilovat enerjidən təxminən 20 kilovatı alternativ enerji mənbələri hesabına təmin olunacaq. Hazırda alternativ enerji mənbələrindən, xüsusən də külək və günəş enerjisindən istifadənin effektliyini müəyyənləşdirilməsi istiqamətində iş aparılır.
Mənbənin dediyi kimi, layihənin həyata keçirilməsində əsas məqsəd ölkədə alternativ enerji mənbələrindən istifadənin inkişafıdır.
Ekoloji layihənin həyata keçirilməsinin ikinci fazasında alternativ növlü enerjinin tətbiqinin genişləndirilməsi və parkın gərəkli enerji ilə təminatında onlardan istifadənin artırılması planlaşdırılır.
ARDNŞ-in Ekologiya İdarəsindən bir müddət əvvəl deyildiyi kimi, artıq oktyabr-noyabr aylarında iki hektar ərazidə tinglərin yetişdirilməsi üzrə açıq ərazinin təməlinin qoyulması planlaşdırılır.
ARDNŞ-in ekoloji məsələlər üzrə vitse-prezidenti Muxtar Babayevin bir müddət əvvəl dediyi kimi, yeni şəhərcik yaşayış üçün nəzərdə tutulmayacaq. Bu ərazidə şirkət ağaclar, kollar və müxtəlif növdə güllər yetişdirməyi planlaşdırır.
"Parkın istilik təminatı qismən yataqlardan havaya buraxılan səmt qazı hesabına həyata keçiriləcək. Şəhərciyin elektrik enerjisinə tələbatı qismən günəş enerjisindən istifadə hesabına ödəniləcək. Suvarma üçün lazım olan su qurunt sularının təmizlənməsi və dəniz suyunun şirinləşdirilməsi hesabına alınacaq. Bu layihə çərçivəsində xarici ölkələrin və əcnəbi şirkətlərin təcrübəsindən istifadə olunacaq", - Babayev bir müddət əvvəl deyib.
Məqalə müəllifi ilə əlaqə ünvanı: [email protected]