Qazaxıstan, Astana, 27 avqust / Trend , müxbir K.Konırova /
Neft-qaz sahəsində qiymətqoyma problemlərinin həlli üçün rəqabət qabiliyyətinin və neft hasil edən şirkətlərin şəffaflığının artırılması, həmçinin alternativ texnologiyaların istifadəsi üzrə bir sıra tədbirlər həyata keçirilməlidir. Bu barədə ABŞ Dövlət Departamentinin Avrasiya energetikası məsələləri üzrə xüsusi nümayəndə Riçard Morninqstar Trend -ın Astanadakı müxbirinin sualını cavablandırarkən bildirib.
Xəzər dənizindən enerji ehtiyatları marşrutlarına gəldikdə isə Morninqstar bildirib ki, bu regionda neft və qaz çoxdur və onlar müxtəlif istiqamətlərdə nəql oluna bilər.
"Bizi narahat edən yeganə məsələ Azərbaycan, Türkmənistan və Qazaxıstan kimi dövlətlərin öz ölkələrinin və dünyanın enerji təhlükəsizliyinin təmin edilməsi üçün doğru hesab etdiyi qərar verməsidir", - Morninqstar qeyd edib.
"Astanada keçirilən görüş zamanı XBK-nın (Xəzər Boru kəməri Konsorsiumu) genişləndirilməsi və QXNS (Qazaxıstan Xəzər Neft nəqli Sistemi) məsələsi, ümumilikdə Transxəzər layihəsi müzakirə edilib. Ölkələrimizin mövqelərinin sözügedən layihə üzrə razılaşdırıldığını qeyd etmək istəyirəm. Xəzər regionundan dünya bazarına nəqlin vacibliyi üzrə ümumi anlayış mövcuddur", - ABŞ Dövlət Departamentinin nümayəndəsi bildirib.
Məqalə müəllifi ilə əlaqə ünvanı: [email protected]
