Azərbaycan, Bakı, 22 yanvar/ Trend /
Hazırda "Cənubi Pars" layihəsinin 27 və 28-ci fazalarının inkişafı üzrə müqavilə hazırlanır və bu müqavilə fevralın 20-dək Çin şirkətləri ilə imzalanacaq, İran Milli Neft Şirkətinin direktoru Seyfulla Caşnsaz deyib. MEHR agentliyi bu barədə məlumat verib.
Caşnsazın sözlərinə görə, "Cənubi Pars" layihəsinin 27 və 28-ci fazalarında sutkada 50 milyon kubmetr qaz, 80 min barel kondensat, 400 ton kükürd, ildə isə 1 milyon ton maye qaz və 1 milyon ton etan istehsalı planlaşdırılır.
Çin şirkətləri indiyədək "Yadavaran", "Şimali Azadeqan" neft yataqlarında və layihənin 11 fazasında işlər aparıb, məlumatda deyilir.
İran bundan əlavə Çinin müxtəlif şirkətləri ilə qazma platformalarının alınması üzrə müqavilə razılaşdırıb. Çin şirkətləri ilə "Cənub Azadeqan" neft yatağının, "Kiş" qaz yatağının və Neka-Cask boru kəmərinin inşasının inkişafı layihələri ilə bağlı məsələlər müzakirə edilib.