Azərbaycan, Bakı, 9 avqust /Trend/
Yanvar-iyul aylarında "Azərenerji" ASC (Azərbaycanın regionlarında elektrik enerjisinin istehsalı və paylanması) ötən ilin analoji dövründəki 11,5 milyard kilovat-saata yaxın elektrik enerjisinə qarşı 11 milyard kilovat-saatdan artıq elektrik enerjisi istehsal edib. Bu barədə ASC-nin bazar ertəsi yaydığı məlumatda deyilir.
Yanvar-iyul aylarında ASC tərəfindən istehsal olunan elektrik enerjisinin ümumi həcmindən 8,4 milyard kilovat-saata yaxın elektrik enerjisi istilik-elektrik stansiyalarının payına düşüb. Yerdə qalan 2,6 milyard kilovat-saatdan artıq elektrik enerjisi isə su-elektrik stansiyalarında istehsal olunub.
İyulda ASC sistemində 1,5 milyard kilovat-saatdan artıq elektrik enerjisi istehsal edilib.