Azərbaycan, Bakı, 23 sentyabr /Trend, müxbir N.İsmayılov/
Avropa Yenidənqurma və İnkişaf Bankı (AYİB) Türkiyə, Gürcüstan və Azərbaycandakı bankların davamlı energetika investisiya layihələrinin inkişafına texniki yardım üçün ixtisaslı firma və ya konsorsiumlardan üç layihə seçmək niyyətindədir. Bu barədə AYİB-in rəsmi saytında yerləşdirilən məlumatda deyilir.
AYİB korporativ sektorda bəzi şirkətlərlə əməkdaşlıq edir. Onlar çox enerji işlədən və banka maliyyələşmə xahişi ilə müraciət edənlərdir. Bu, Türkiyə, Azərbaycan və Gürcüstan şirkətləri üçün xüsusilə əhəmiyyətlidir. Maliyyələşdirmə müxtəlif məqsədlər üçün istifadə olunacaq. Onlardan bəziləri enerjidən istifadənin effektivliyinin yaxşılaşdırılması ilə əlaqəli ola bilər.
Bu proqram sənaye, aqrar-sənaye kompleksi, energetika və təbii resurslar sektorunu əhatə edəcək, eləcə də özəl sektorda istənilən layihələrə dəstək üçün əlçatan olacaq. Proqramın əsas məqsədləri enerjinin sabitliyi sahəsində layihələrin prioritetliyinin artırılması, şirkətlərin perspektiv investisiya planlarına daxil edilmiş yaşamağa qabil və regionda yenilənən enerji mənbələrinin istifadəsinin genişlənməsinə kömək edən layihələrin təminidir.
Proqram üç əsas istiqaməti əhatə edəcək: layihələrin hazırlığına kömək, layihənin həyata keçirilməsinə kömək, bazarın texniki tədqiqatları.
Proqram nəzərdə tutur ki, müqavilənin qüvvədəolma müddəti 36 ay təşkil edir. Layihənin ehtiyaclarını, konsultantın qənaətbəxş işini və maliyyələşdirmənin mövcudluğunu nəzərə alaraq, müqavilə müddətini uzatmaq imkanı var.
Layihəyə nəzərdə tutulmuş büdcənin maksimal həcmi ƏDV nəzərə alınmadan 530,6 min avro təşkil edir.
