Azərbaycan, Bakı, 9 fevral/Trend, müxbir E.İsmayılov/
Azərbaycanın Caspian Drilling Company Ltd (CDC) şirkəti və İsrailin ACC Holdings International və B"H Shemen Oil and Gas exploration "2010" Ltd (ACC Group) şirkətləri İsrailin dəniz şelfində perspektivli "Şemen" strukturunun işlənməsi layihəsində iştirak çərçivəsində əsas prinsiplər üzrə saziş imzalayıblar. Bu barədə çərşənbə günü Trend-ə CDC-in baş direktoru Fərid Axundov deyib. Struktur Orta Aralıq dənizinin İsrail sektounda Aşdod şəhərinin 15 kilometrliyində yerləşir.
ARDNŞ-in 92,44 faiz iştirak payına malik olduğu CDC bu layihənin operatoru olacaq.
Axundovun sözlərinə görə, CDC Azərbaycanda bütün PSA layihələrdə, o cümlədən şirkətin layihənin operatoru olan BP Azerbaijan-ın əsas podratçısı qismində çıxış etdiyi Xəzərin Azərbaycan sektorunda "Şahdəniz" qaz-kondensat yatağının kəşfində iştirak edib. Şirkət dəniz yataqlarında qazma işlərində böyük təcrübəyə malikdir və xüsusilə, Azərbaycanın neft-qaz yataqları bloku "Azəri-Çıraq-Günəşli"də və "Şahdəniz" yatağında qazma işlərində fəal iştirak edir.
"Onlar [ACC Group] perspektivli "Şemen" strukturunda uğurlu kəşfiyyat üçün bizim potensialımızdan və təcrübəmizdən istifadə etmək istəyirlər. Biz baza sazişini imzalamışıq. Ona əsasən, operatoruq və operator kimi layihədə müəyyən iştirak payına malikik", - Axundov qeyd edib.
Axundovun sözlərinə görə, hazırda İsrail İnfrastruktur Nazirliyi CDC-in perspektivli strukturda ACC Group-un sahib olduğu işlər üçün lisenziyanın verilməsi məsələsini müzakirə edir. Lisenziyanın şərtlərinə əsasən, perspektivli strukturda işlər cari ilin sonunadək başlamalıdır.
Onun sözlərinə görə, tərəflər danışqılar aparıblar, sonra baza sənədinin imzalanması, sonra isə müqavilənin əldə olunması üzrə işi davam etdirməklə bağlı qərar qəbul edilib.
Axundovun fikrincə, başlıcası layihə tərəflərinin - bu layihə iştirakçılarının niyyət və istəkləridir.
Bu, Azərbaycan şirkətinin xaricdə perspektivli strukturun kəşfiyyatı və işlənməsi üçün operator kimi çıxış etdiyi ilk layihədir.
