Azərbaycan, Bakı, 12 dekabr / Trend, müxbir H.Vəliyev /
Azərbaycanın Standartlaşdırma, Metrologiya və Patent üzrə Dövlət Komitəsi yenidən respublikanın yanacaqdoldurma məntəqələrində (YDM) yanacağın monitorinqini aparmaq niyyətindədir. Bu barədə çərşənbə günü Trend-ə komitənin rəhbəri Ramiz Həsənov bildirib.
O qeyd edib ki, bəzi vətəndaşların YDM-dəki yanacağın keyfiyyəti ilə bağlı narazılıqları müşahidə olunur.
Həsənov deyib ki, komitə tərəfindən əvvəllər aparılan monitorinqlər yanacağın keyfiyyətinə müsbət təsir edib.