Azərbaycan, Bakı, 28 yanvar /Trend, müxbir H.Vəliyev/
Azərbaycan Fövqəladə Hallar Nazirliyi dənizdə baş vermiş qəzalar zamanı üçüncü tərəfin (BP, "Statoil" və digər şirkətlərin) köməyi olmadan istənilən növ fövqəladə vəziyyətin aradan qaldırılmasına hazırdır. Trend-in məlumatına görə, bunu çərşənbə axşamı Bakıda Azərbaycan FHN-in və "Statoil Azerbaijan" şirkətinin təşəbbüsü ilə "Neft dağılmalarına cavab hərəkəti" mövzusunda keçirilən seminarda fövqəladə hallar nazirinni müavini Etibar Mirzəyev deyib.
Onun sözlərinə görə, nazirlik bunun üçün lazım olan bütün insan və texniki resurslara malidir: "Neft dağılmaları yaxud yanğınları, eləcə də dənizdə digər fövqəladə vəziyyətlərin aradan qaldırılması Azərbaycan Fövqəladə Hallar Nazirliyinin birbaşa səlahiyyətindədir".
E.Mirzəyev bildirib ki, nazirlik BP şirkətinin təcrübəsini öyrənməklə öz əməkdaşlarının bacarıqlarını ilbəil artırır, rusiyalı və qazaxıstanlı mütəxəssislərlə birlikdə treninqlər və təlimlər təşkil edir.