Azərbaycan, Bakı, 14 may /Trend, müxbir E.İsmayılov/
Azərbaycan Respublikası Dövlət Neft Şirkəti (ARDNŞ) ölkədə yeni neft-qaz emalı və neft-kimya məhsullarının istehsalı üzrə yeni kompleksin (OGPC) tikintisini 2020-ci ildə başa çatdırmağı planlaşdırır.
Trend-in məlumatına görə, bu barədə ARDNŞ prezidenti Rövnəq Abdullayevin "The Business Year" jurnalına müsahibəsində deyilir.
Onun sözlərinə görə, layihənin birinci mərhələsinin reallaşdırılması 2013-cü ildə başlayıb və bu il ərzində də davam etdiriləcək: "OGPC ARDNŞ-nin Azərbaycanda iri layihəsidir və milli əhəmiyyət kəsb edir".
ARDNŞ prezidenti qeyd edib ki, kompleksin tərkibinə daxil olacaq neft emalı zavodunun illik gücü təqribən 9 milyon ton, qaz emalı zavodunun gücü isə 12 milyard kubmetr olacaq.