Bakı. Trend:
Bu ilin yanvar-mart aylarında Azərbaycandan xaricə qaz satışı 6 milyard kubmetr təşkil edib.
Trend bu barədə Energetika Nazirliyindən məlumat əldə edib.
Məlumata görə, bu göstərici ötən ilin eyni dövrü ilə müqayisədə 0,4 milyard kubmetr və ya 6,25% azdır.
Belə ki, 2024-cü ilin yanvar-mart aylarında Azərbaycandan xaricə qaz satışı 6,4 milyard kubmetr həcmində qaz satışı həyata keçirilib.
Hesabat dövründə xaricə satılan qazdan 3 milyard kubmetr Avropaya, 2,3 milyard kubmetr Türkiyəyə (o cümlədən TANAP-la 1,4 milyard kubmetr), 0,7 milyard kubmetr isə Gürcüstana yönəldilib.
Qeyd edək ki, 2025-ci ilin yanvar-mart aylarında ölkədə 12,6 milyard kubmetr təbii qaz hasil edilib.
Qazın 3,4 milyard kubmetri “Azəri-Çıraq-Günəşli”nin, 6,8 milyard kubmetri “Şahdəniz”in, 0,4 milyard kubmetri “Abşeron” yatağının, 2 milyard kubmetri isə SOCAR-ın payına düşüb.